माओवादी जनमुक्ति सेनाका डेपुटी कमान्डर एवम् एकीकृत नेकपा (माओवादी)का सभासद् वर्षान पुन ँअनन्त’ ले पूर्वप्रधानमन्त्री गिरिजाप्रसाद कोइरालाकी पुत्री एवम् परराष्ट्रमन्त्री सुजाता कोइरालाको नेतृत्वमा राष्ट्रिय सरकार निर्माण भए माओवादीको र्समर्थन रहने संकेत गर्नुभएको छ।

एकीकृत नेकपा -माओवादी)का अध्यक्ष प्रचण्ड र गिरिजाप्रसाद कोइरालाबीच बुधबार भएको भेटलगत्तै नेता अनन्तले यस्तो अभिव्यक्ति दिनुभएको हो। ँहामी राजनीतिक र्समर्थक चाहन्छौं, सुजाताकै नेतृत्वमा सरकार बनाए पनि हाम्रो विमति रहँदैन’ -उहाँले भन्नुभयो।

माओवादीकै नेतृत्वमा राष्ट्रिय सरकार बन्नुपर्ने भनाइ आइरहेका बेला नेता अनन्तले कोइरालापुत्री सुजाताको नेतृत्वमा हुने वा माओवादीको भन्ने विषयमा छलफल भइरहेको बताउनुभयो।

रिपोर्र्टर्स क्लब नेपालद्वारा बिहीबार सेना समायोजन विषयमा आयोजित अन्तरक्रिया कार्यक्रममा उहाँले यो सरकारले राष्ट्रपतीय शासन ल्याउन लागेको आरोप लगाउनुभयो। ँराष्ट्रपतिलाई अघि सारेर सेना परिचालन गर्ने ग्य्रान्ड डिजाइन भइरहेको छ’ -उहाँले भन्नुभयो। यो सरकारले सेना समायोजन र संविधान निर्माण गर्न नसक्ने ठोकुवा गर्दै ६ महिनाभित्र सरकार ढल्नेसमेत जिकिर गर्नुभयो। सेना समायोजन विशेष समिति चाँडै भंग हुने तर्क राख्दै उहाँले अहिलेको सरकारसँग कुनै भिजन नभएको बताउनुभयो।

सो कार्यक्रममा सुरक्षाविद् इन्द्रजित र्राई, पर्ूवजर्नेल केशरबहादुर भण्डारी, प्रहरीका पर्ूवअतिरिक्त महानिरीक्षक राजेन्द्रबहादुर सिंह, सेना समायोजन विशेष समितिका सदस्य दीपक भट्टले राजनीतिक सहमति नभई सेना समायोजन हुनै नसक्ने स्पष्ट पार्दै बृहत् शान्तिसम्झौताअनुरूप तत्काल सेना समायोजन गरिनुपर्ने बताउनुभयो।